Al è l'adietîf etnic che al corispuint ae Albanie, ma albanese al podeve ancje indicâ un “soldât di cavalarie lizere", o “soldât sielt di fantarie turche reclutât in Albanie". Al descriveve ancje cui che al vignive des coloniis albanesis te Italie centrimeridionâl (CI 36). Albanese si cjate soredut te Italie meridionâl; Albanesi, mancul comun, te Italie centrâl. Dutis dôs lis formis si cjatin a Udin e a Pordenon; Albanese ancje a Spilimberc. Tal Schedari Corgnali: 1480 Nicolò Chavalar Albanese sta dariva de gardin andando in pracluso a Udin. Tal 1535 Albanese m.° Pietro q. Ser Nicolò abitante in Codroipo, scultore, fa un contratto col comune di Fusea per fare entro un anno un’ancona a figure scolpite e dorate come la pala posta in S. Antonio di Tolmezzo per ducati 105 (Biasutti); tal 1778 Eredi q. Marco Albanese, fittuali in Portogr.° (ASU CRS 498/2).